O forno é un dos grandes aliados para calquera cociñeiro que queira deixar coa boca feita auga aos seus comensais. Fáltanche ideas? Imos cunha receita de solombo de porco ao forno con patacas. A carne e as patacas combinan á perfección en diferentes modos de preparación: fritas, cocidas e ao forno. Nesta ocasión imos preparalas “modo deluxe”. Segue os pasos e verás que a súa preparación é moi sinxela.
Ingredientes
- 1 solombo de porco
- 3 patacas especiais para asar
- Aceite de oliva virxe extra (AOVE)
- Sal
- Pementa (negra e branca)
- Tomiño
- Ourego
- Allo picado
- Cebola
- Perexil picado
- Viño branco
Preparación de solombo de porco ao forno con patacas
- Primeiro imos coa preparación das patacas. Cortámolas en cuarteiróns. Se sacamos 6-8 por pataca estará ben. Non lle retires a pel.
- Nun bol ou nunha bolsa de conxelador botamos un chorro de AOVE. Engadimos sal, pementa, tomiño, ourego e allo picado.
- Introducimos as patacas na mestura e removemos ben para que se impregnen.
- Deixamos que repouse uns minutos.
- Prequentamos o forno a uns 180º durante 10 minutos.
- Nunha bandexa colocamos papel de forno. Encima colocamos as patacas, con espazo entre elas e coa parte con pel cara abaixo. Daquela vertemos toda a salsa sobrante por encima.
- Quentamos a 180º durante máis ou menos media hora. Se nos gustan crocantes podemos deixalas uns 5 minutos máis.
- Quenda para o solombo. Tes que ter unha peza de solombo limpo. Pide na carnicería que cho corten e lle limpen as graxas.
- Collemos unha cebola e cortámola á xuliana. Logo colocamos os toros nunha bandexa para o forno. Colocamos o solombo encima desta cama de cebola.
- Collemos as especias citadas na lista, o AOVE e o viño e aderezamos a carne.
- O forno xa estará quente xa que teremos as patacas. Metemos a bandexa coa carne no forno. Douramos a carne durante uns 15 minutos.
- Pasado este tempo sacamos a bandexa, dámoslle a volta á carne e repetimos a operación. Outros 15 minutos para que a carne se doure polo outro lado.
- Despois sacamos a carne do forno e colocámola nunha bandexa. Faremos o mesmo coas patacas.
- Corta o solombo en toros e verte o mollo do forno encima.
Só queda servir!
Que che pareceu a nosa receita de solombo de porco ao forno con patacas? Lembra: podes ver máis receitas con patacas no noso blogue. No atoparás receitas de patacas con peixe, receitas de patacas con polo, patacas con carne e moitas máis.